Læreplanatlas

Das Lied von der Glocke

6 lesebøker10 trykktrykt 1860–1900Les i biblioteket
Poetisk Læsebog for Skolernes højere Klasser · 1860 · s. 437
Poetisk Læsebog for Skolernes højere Klasser · 1860 · s. 437 · nb.no ↗
Teksten

Der som det harde med det linne
og sterkt og mildt er saman inne,
der giv det jamt so god ein klang.
Di skal ein, fyrr ein bind seg, prøva,
um hjarta kann til hjarta høva.
Ein draum er stutt, ein harm er lang.

Yndeleg i brudar-lokkor
glimar kransen vel den dag,
daa dei klaare kyrkjeklokkor
bjoda folk til brudlaupslag.

Men den fegste helg i livet
flyr med livnads-vaaren snøgt;
brudarkransen fell av vivet,
og det største ljos er sløkt.

Ja, ofsen fær slut,
men elsken maa liva;
og blomen døyr ut,
men frukt maa han giva.
Snart mannen lyt ut
i vaas og i møda
og syta til føda
og pløgja og plukka
og freista si lukka
og vaaga og trøyta
og tiderna nøyta.
So koma Guds gaavor i garden umsider;
det munar i buret med kvart aar, som lider,
og husi dei veksa og tøygja seg ut.
Og inne raader
den hæve husmoder
i smaabarna-ringen;
ho styrer visleg den huslege kringen;
ho vaktar smaasveinen, ho lærer smaakjella;
dei trottuge hender maa stødt nokot stella.
Ho aukar sin draatt
med skipande haatt.
Med midlar ho fyller den daamlege hylla,
med traad ho si snurrande snelda vil fylla.
Ho sankar i reinslege, glitrande skrin
den slikjande ulli, det snjokvite lin.
Ho kviler aldri; ho legg det, som fagnar,
til det, som gagnar.

Lesebok i det norske folkemaal : for høgre skular · 1885 · s. 21 · Se i biblioteket

I lesebøkene

1870-tallet1 trykk
1890-tallet1 trykk

Mer av Ivar Aasen