Haakon var no den einaste, som hadde erverett til kongedømet, men daa mange menner av laag ætt hadde sleget seg i lag med han, totte dei lendmennerne, som hadde fylgt Inge, at det inkje var raadelegt aa taka han til konge. Den megtigaste av desse var Erling Skakke. (Han hadde eingong paa ei krossferd voret med og teket eit stort muhamedanskt skip i Middelhavet, og der hadde han fenget eit hogg i halsen, so han sidan bar hovudet nokot paa skakke). Erling var gift med Kristina, dotter hans Sigurd Jorsalafar, og hadde med henne ein son Magnus, som paa den tid var 5 aar. Han samlad hovdingarne, som hadde voret med Inge, og dei vart forlikte um aa taka Magnus Erlingsson til konge, endaa det var mot logi, daa han inkje var kongsson. Erling fekk lov paa hjelp av den danske kongen, Valdemar den store, mot aa gjeva han Viki, men det høvde so heppeleg fyr Erling, at han fyrutan hjelp vann paa Haakon ved Sekken i Romsdalsfjorden, og Haakon vart drepen. 1162.

Haakon var no den einaste, som hadde erverett til kongedømet, men då mange menn av låg ætt hadde sleget seg i lag med han, tykte dei lendmennene, som hadde fylgt Inge, at det inkje var rådeleg å taka han til konge. Den mektigaste av desse var Erling Skakke. (Han hadde eingong på ei krossferd vore med og teke eit stort muhammedansk skip i Middelhavet, og der hadde han fenget eit hogg i halsen, so han sidan bar hovudet noko på skakke). Erling var gift med Kristina, dotter hans Sigurd Jorsalafar, og hadde med henne ein son Magnus, som på den tid var 5 år. Han samla hovdingane, som hadde vore med Inge, og dei vart forlikte om å taka Magnus Erlingsson til konge, endå det var mot logi, då han inkje var kongsson. Erling fekk lov på hjelp av den danske kongen, Valdemar den store, mot å gje han Viki, men det høvde so heppeleg fyr Erling, at han fyrutan hjelp vann på Haakon ved Sekken i Romsdalsfjorden, og Haakon vart drepen. 1162.