129

I heimen der hyggjer seg barnet best,til heimen vil ungdomen stunda,og mannen, som sviver i aust og vest,vil helder paa heimferdi skunda.Um landet var bratt og steinutt og svadt,og mødor i vegen var manga,paa heimvegen gjekk det daa helder radtog milerna vardt inkje langa.

Mauren kryp aldri so vidt i kring,han leitar ei uppatter tuva,og mannen løyp ikkje so lang ein sving,han lengtar ei heim til si gruva.Um og han var glad i framande stad,so vil ikkje hugen seg festa.Og heimen med haugar og stein og svadhan verder daa kjærast’ at gjesta.

Ja heima der baka dei braudet best,og vænaste klippa dei klædi,der hava dei klangen i maalet mest,og vænaste kvædi dei kvædi.Der ser du ein dag med ljosare lagog skog med eit mildare skygge;og raamar so sorgi deg der med eit slag,so finner du endaa eit hygge.

I. Aasen.

129

I heimen der hyggjer seg barnet best,til heimen vil ungdomen stunda,og mannen, som sviver i aust og vest,vil heller på heimferda skunda.Om landet var bratt og steinutt og svadt,og mødor i vegen var manga,på heimvegen gjekk det då heller radtog milene vart inkje langa.

Mauren kryp aldri so vidt i kring,han leitar ei uppatter tuva,og mannen løyp ikkje so lang ein sving,han lengtar ei heim til si gruva.Om og han var glad i framande stad,so vil ikkje hugen seg festa.Og heimen med haugar og stein og svadhan verder då kjærast’ at gjesta.

Ja heima der baka dei brødet best,og vænaste klippa dei kleda,der hava dei klangen i målet mest,og vænaste kvædi dei kvædi.Der ser du ein dag med ljosare lagog skog med eit mildare skygge;og raamar so sorga deg der med eit slag,so finner du endå eit hygge.

I. Aasen.