Polybios person, forfatter
Hvordan planene telles
Utvalget omfatter 91 læreplaner. Flere trykk og oversettelser av samme plan telles én gang. Lover, utkast, veiledninger og tillegg er ikke med. Ikke alle planene er fullstendig undersøkt for emnet.
Ingen sitater fra læreplanene om Polybios i atlaset.
Lest i skolen
Til eksamen 1
- 1834 · Examen artium
Romani etiam institutis quibusdam et incitabant et adjuvabant magnos sensus gloriæque cupiditatem; in quibus Polybius prædicat inprimis laudationes in funeribus illustrium virorum fieri solitas, et pompas imaginum vestitarum et ornatarum insignibus honorum, quos vivi gessissent, considentiumque in sellis curulibus in foro prope rostra, velut ad audiendam laudationem ejus, qui a se ortus esset; quo spectaculo, ille ait, nullum temere pulchrius et efficacius juvenis queat intueri. Ipsæ profecto imagines majorum cum titulis honorum rerumque gestarum nulla alia de causa in atriis positæ, quam ut quotidiano adspectu parentes pariter ac liberi ad gloriam rerumque gerendarum studium incenderentur. Cujus rei causa etiam hoc institutum antiquis reipublicæ, hoc est bonis, ut Cicero vocat, temporibus fuit, ut in conviviis non lascivæ cantilenæ sonarent, non de nugis, ut hodie fere fit, garriretur, sed laudes ac res gestæ illustrium virorum canerentur. Adde vestitum ingenuorum puerorum similem ei, quo summi magistratus et sacerdotes utebantur; cujus usu et adspectu quotidiano admonerentur, quid spectandum sibi, quo contendendum esset. Adde deductionem solennem in forum ad togam virilem a prætore accipiendam, deducentibus patre, cognatis, amicis; quorum vocibus incensus puer digna viro, digna togato, hoc est cive Romano cogitare, agere inciperet; et alia his similia.